Traha/ Negoshi propio

Bo tin intenshon di biba i traha na Kòrsou?
Tin diferente manera pa hasi esaki.
Bo por bin traha pa un empresa òf bo por kuminsá ku bo propio empresa.
-Mira tab empleado pa e eksigensianan si bo ta bin traha pa un empresa.
-Mira tab propio empresa pa e eksigensianan si bo ta bin kuminsá ku bo propio empresa.

GASTUNAN

Promé ku entregá e petishon, mester paga tarifa- i retribushonnan. Pa e petishon  pa deklarashon Van Rechtswege mester paga un montante di XCG 615,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.

SKÈN DOKUMENTO

E dokumento di skèn (formato pdf) mester kumpli ku e siguiente kriterionan:

• Mester ta un vershon di skèn di un dokumento original
• Mester ta di skèn mas rekto posibel
• No ta kontené nit, klep di papel i no tin impreshon di dede visibel riba e dokumento
• No mester ta editá òf kambiá na ningún manera
• Mester evitá di doblá i machiká mas tantu posibel
• Tur dato mester ta klaramente legibel, visibel i no boroso
• Ningun informashon por ta di skrap, tapá òf marká
• Un ID di skèn mester kompletu i na koló riba e imágen:
• (pa pasport: e página ariba i abou i pa sedula e dilanti i patras)
• E rantnan di e ID mester ta bon visibel
• Mester tin mas o ménos 2 cm di espasio rondó di e imágen
• E dokumento di skèn no mester kontené ningun imágen ta sombra den fondo.

DESISHON RIBA BO PETISHON

Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Despues ku e desishon ta kla, ta mail esaki pa bo.

Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.

Si bo a risibí un desishon negativo, bo tin 6 siman di tempu e ora ei pa entregá un karta di opheshon. Bo mester mail e karta di opheshon pa info@immigrationcur.org.

Bo ta bin traha pa un empresa?

E ora ei e siguiente eksigensianan ta konta:

• Komprobante di pago tarifa & retribushon⁰
• Kopia pasport bálido. Si tin diferente nashonalidat, kopia di tur pasport;
• Kopia akta di nasementu¹ (no mas bieu ku 1 aña). Mustra original pa inspekshon;
• Si ta rekonosé, kopia akta di rekonosementu¹ (no mas bieu ku 1 aña). Mustra original pa inspekshon;
• Deklarashon di bon kondukta (no mas bieu ku 3 luna). Entregá original;
• Prueba sufisiente medio finansiero duradero. Por hasi esaki dor di presentá, entre otro e siguiente pruebanan:

1. Prueba entrada di trabou: akuerdo laboral (firmá pa personá konserní i su doño di trabou², huntu ku un kopia di sédula bálido di doño di trabou) òf
2. Deklarashon original di doño di trabou², kompletamente yená i firmá pa doño di trabou huntu ku un kopia sédula bálido di doño di trabou, ku un stampia di XCG 10,-.

Bo ta bai kuminsá ku bo propio empresa?

E ora ei e siguiente eksigensianan ta konta:

• Komprobante di pago tarifa & retribushon⁰;
• Kopia pasport bálido. Si tin diferente nashonalidat, kopia di tur pasport;
• Kopia akta di nasementu¹ (no mas bieu ku 1 aña). Mustra original pa inspekshon;
• Si ta rekonosé, kopia akta di rekonosementu1 (no mas bieu ku 1 aña). Mustra original pa inspekshon;
• Deklarashon di bon kondukta (no mas bieu ku 3 luna). Entregá original;
• Prueba sufisiente medio finansiero duradero. Por hasi esaki dor di presentá, entre otro e siguiente pruebanan:

1. 1. Deklarashon bankario òf estado di kuenta bankario di e último 12 lunanan

Si bo ta bin Kòrsou ku bo empresa hulandes, bo mester entregá e registrashon di Kámara di Komèrsio.