Servisio di Atmishon ku adaptashon den servisio na públiko

Servisio di Atmishon ku adaptashon den servisio na públiko

Willemstad – Servisio di Atmishon ta informá ku entrante djaluna 6 di yanüari 2025 su bali di informashon ta habri bèk pa públiko na Prinsenstraat 90, Punda.  Esaki ta nifiká ku solamente e personanan ku mester di informashon por pasa na e ofisina na Punda. Personanan ku tin sita pa tuma nan título di residensia (stèmpel den pasport) ta keda akudí na Lokèt di Pèrmit na Saliña 127.

Pa informashon tokante status di petishon, status di komprobante di petishon, kasonan spesífiko i apelashon mester pasa na Punda. Tur korespondensia (pòst) pa Servisio di Atmishon, tambe por keda entregá na ofisina na Punda. E Client Connectivity Center (self-service kiosk) tambe ta disponibel bèk pa públiko. Orario pa públiko ta di djaluna pa djaweps di 8:00 am pa 11:45 am i 12:30 pm pa 2:45 pm. Riba djabièrnè ta habrí di 8:00 am pa 11:45 am i 12:30 pm pa 1:45 pm.

Pa tuma título di residensia (stèmpel den pasport), prueba di regreso, baimentu definitivo i voucher di restitushon mester pasa na Lokèt di Pèrmit (Vergunningenloket) Saliña konforme sita. Orario pa públiko ta di djaluna pa djaweps di 8:00 am pa 3:00 pm i djabièrnè di 8:00 am pa 12:00 pm.

Servisio di Atmishon ta pidi pa tuma bon nota di e kambio aki. Alabes ta gradisí su klientenan pa e komprenshon i ta sigui traha pa keda brinda e servisio kustumbrá.