Servisio di Atmishon será pa públiko pa mudansa

Servisio di Atmishon será pa públiko pa mudansa

Willemstad – Servisio di Atmishon ta informá ku riba djaweps 10 di yüli 2025 i djabièrnè 11 di yüli 2025 lo ta será pa públiko. Esaki ta debí na mudansa ku lo mester tuma lugá for di Lokèt Pèrmit pa Kranshi.

Entrante 14 di yüli 2025 Servisio di Atmishon lo habri bék pa públiko na Kranshi, Roodeweg 42, den e edifisio patras kaminda antes tabata traha reibeweis. Orario pa públiko ta di djaluna pa djaweps di 8:00 am pa 3:00 pm i djabièrnè di 8:00 am pa 12:00 pm.

Personanan ku tin un sita riba 10 i 11 di yüli 2025 lo risibí un yamada òf mail pa un sita nobo. Ta trata aki di personanan ku tin sita pa tuma stèmpel, voucher di restitushon, prueba di regreso, baimentu definitivo i prolongashon di estadia turístiko.

Tuma bon nota ku e ubikashon temporal aki ta solamente pa tuma stèmpel. No ta duna informashon personal na kliente. Pa tur informashon por manda un e-mail na info@immigrationcur.org òf un mensahe na Facebook i Instagram Admission Office Curaçao. Por yama tambe na 733-2081 i 7333-2083 di djaluna pa djaweps di 8:00 am pa 12:00 pm. E numbernan aki ta temporalmente disponibel te na momentu ku nos muda bèk pa Punda.

Servisio di Atmishon ta pidi pa tuma bon nota di e kambio aki.