Tuma pèrmit

Bo a risibí un desishon positivo riba bo petishon pa un pèrmit di estadia temporal? Si ta asina, bo por traha un sita via e página aki pa tuma bo pèrmit.

Mester traha sita pa por tuma bo pèrmit.

Presentá personalmente

Bo mes mester ta presente pa buska bo pèrmit. E pèrmit di estadia lo keda apliká den forma di un stèmpel den bo pasport.

Kiko bo mester trese?

Si bo a risibí un desishon positivo, bo ta risibí e título di residensia den forma di un stèmpel den bo pasport. Na momentu di tuma e título di residensia, bo mester presentá personalmente i presentá e siguiente dokumentonan:

• Un pasport bálido;
• Prueba di pago di depósito;
• Prueba di un seguro médiko lokal bálido, pa por lo ménos 1 aña;
• E akta di nasementu original ku apostiya òf legalisashon (no kopia);
• E deklarashon di Bon Kondukta, Verklaring Omtrent het Gedrag (VOG) original (no kopia);

Di akuerdo ku e situashon spesífiko di e aplikante, mester presentá tambe, e otro dokumentonan menshoná den e desishon.

Plania un sita

Via e módulo di sita, bo por skohe fásilmente un fecha i ora pa tuma bo pèrmit di estadia.