Propósito Propio Negoshi / Empresario Independiente

E trayekto Rib’e Lugá ta ofresé e posibilidat pa pidi un pèrmit temporal di estadia ku e propósito “propio negoshi / empresario independiente”. Ku e pèrmit aki, bo por keda Kòrsou legalmente i traha via bo propio negoshi. E pèrmit aki lo ta bálido pa un (1) aña.

Solamente petishonnan ku ta entregá di akuerdo ku e prosedimentu preskribí, ku pago di e tarifanan i gastunan atministrativo, via e portal digital, lo keda konsiderá. 

Kondishonnan

Bo por pidi un pèrmit ku e propósito “propio negoshi / empresario independiente” si bo ta kumpli ku e siguiente kondishonnan:

• Bo a yega Kòrsou promé ku 13 di novèmber 2025;
  • Bo no ta forma un peliger pa órden públiko òf seguridat;
  • Bo tin e intenshon pa kuminsá un propio negoshi;

Pa por proba ku bo ta kumpli ku e kondishonnan menshoná i di akuerdo ku bo propósito di estadia “propio negoshi / empresario independiente”, bo mester entregá sierto dokumentonan segun e maneho di Rib’e Lugá. [klik aki] pa e dokumentonan nesesario.

Durashon di e permit:

Si bo ta skohe pa e proposito “propio negoshi / empresario independiente”, bo tin e posibilidat pa skohe pa un pèrmit di estadia temporal di 1 aña.

E gastunan ta indiká abou:
• 1 aña  XCG 635,-

Dokumentonan ku mester keda entregá pa hasi petishon di bo pèrmit di estadia temporal online

Pa por entregá bo petishon online pa Rib’e Lugá, bo tin mester di e siguiente dokumentonan:

• Formulario di aplikashon pa TO (mester yena esaki digitalmente den e portal);
• Prueba di entrada promé ku 13 di novèmber 2025;
• Prueba di pago di tarifanan i gastunan atministrativo;
• Kopia di Pasport (bálido na momentu di emishon);
• Number di CRIB personal
• Deklarashon di empresario ku stampia di XCG. 10.00;
• Deklarashon di Bon Kondukta, Verklaring Omtrent het Gedrag (VOG), for di edat di 18 aña (no mas bieu ku 3 luna);
• Akta di nasementu (no mas bieu ku 1 aña, ku apostille);

Informashon importante tokante renobashon

E persona konserní mester entregá un kopia di e registrashon na Kámara di Komèrsio, e pèrmit di establesimentu (aplikashon), i e number di CRIB di e kompania no mas tardá ku 6 luna despues ku e pèrmit keda otorgá, i mester demostrá ku bo empresa:

• Ta realmente aktivo;
• Ta generá entrada stabil, regular i sufisiente;
• Ku bo a paga impuesto.

Na momento di entregá bo aplikashon, bo ta sigui e siguiente pasonan:

1. Entregá e aplikashon online via e portal digital di TO, inkluso subi tur dokumento nesesario.
2. TO ta evaluá e petishon di pèrmit di estadia entregá;
3. Risibí un desishon di aprobashon òf rechaso. Den kaso di un desishon di aprobashon:
4. Depósito di e suma di garantia;
5. Sera un seguro di malesa lokal pa (por lo ménos 1 aña) e durashon di e desishon;
6. Traha sita pa rekohé e pèrmit di estadia temporal. Pa traha un sita [klik aki];
7. Entregá e dokumentonan nesesario na momentu di emishon;
8. Inskribí na Kranshi. Bo mester traha un sita pa esaki. 

9. Apliká pa un pèrmit di negoshi na MEO