Propósito: Empleo – Trabou

E trayekto Rib’e Lugá ta ofresé e oportunidat pa apliká pa un pèrmit di estadia temporal pa e propósito di empleo. Ku e pèrmit aki, bo por biba legalmente na Kòrsou i traha pa un dunadó di trabou.

Solamente aplikashonnan entregá via e portal digital na e manera preskribí, ku pago di e montante di tarifanan i gastunan atministrativo, lo keda prosesá.

Kondishonnan

Bo por apliká pa un pèrmit ku e propósito di “trabou” si bo ta kumpli ku e siguiente kondishonnan:

• Bo a yega Kòrsou promé ku 13 di novèmber 2025;
• Bo no ta forma un menasa pa órden òf seguridat públiko;
• Bo tin un dunadó di trabou i asina ta demostrá ku bo tin sufisiente medio finansiero di sosten;

Pa por proba ku bo ta kumpli ku e kondishonnan menshoná i di akuerdo ku bo propósito di estadia “trabou”, bo mester entregá sierto dokumentonan segun e maneho di Rib’e Lugá. [klik aki] pa e dokumentonan nesesario.

Durashon di e pèrmit:
Si bo skohe e propósito di Empleo, bo tin e opshon pa skohe un pèrmit di estadia temporal di 1 pa 3 aña.

E gastunan ta indiká abou:

• 1 aña XCG 655.–
• 2 aña XCG 1.270.–
• 3 aña XCG 1.885.—

Dokumentonan ku mester keda entregá pa hasi petishon di bo pèrmit di estadia temporal online

Pa entregá bo aplikashon pa un pèrmit di estadia temporal, bo tin mester di e siguiente dokumentonan:

• Formulario di aplikashon pa TO (mester yena esaki digitalmente den e portal);
• Prueba di entrada promé ku 13 di novèmber 2025;
• Prueba di pago di tarifanan i gastunan atministrativo;
• Kopia di Pasport (bálido na momentu di emishon);
• Deklarashon di Bon Kondukta, Verklaring Omtrent het Gedrag (VOG), for di edat di 18 aña (no mas bieu ku 3 luna);
• Number di CRIB personal
• Akta di nasementu (no mas bieu ku 1 aña, ku apostille);
• Deklarashon di dunadó di trabou huntu ku un kopia bálido di e prueba di identidat di e dunadó di trabou, ku un stampia di Cg. 10.00;
• Deklarashon di garantia ku ta karga un stampia di Cg. 10.00;
• Kopia di ekstrakto di Kámara di Komèrsio di e dunadó di trabou/persona ku a duna un deklarashon di garantia no mas bieu ku 6 luna;
  • Number di CRIB di dunadó di trabou;

Na momento di entregá bo aplikashon, bo ta sigui e siguiente pasonan:

1. Entregá e aplikashon online via e portal digital di TO, inkluso subi tur dokumento nesesario.
2. TO ta evaluá e petishon di pèrmit di estadia entregá;
3. Risibí un desishon di aprobashon òf rechaso. Den kaso di un desishon di aprobashon:
4. Depósito di e suma di garantia;
5. Sera un seguro di malesa lokal pa (por lo ménos 1 aña) e durashon di e desishon;
6. Traha sita pa rekohé e pèrmit di estadia temporal. Pa traha un sita [klik aki];
7. Entregá e dokumentonan nesesario na momentu di emishon;
8. Inskribí na Kranshi. Bo mester traha un sita pa esaki. Pa traha un sita [klik aki];
9. E dunadó di trabou mester bai SOAW pa e petishon di pèrmit di trabou.