Preguntanan Frekuente (FAQ)

Rib’e Lugá ta un trayekto di registrashon i legalisashon temporal prepará pa Ministerio di Hustisia den kolaborashon ku Ministerio di SOAW.

Rib’e Lugá tin komo meta pa duna personanan sin un estado legal bálido, mas seguridat legal i stabilidat den nos komunidat. Ademas e proyekto Rib’e Lugá ta kontribuí na kolekshon di dato pa futuro maneho di migrashon.

Rib’e Lugá ta pa personanan ku ya ta bibando na Kòrsou pa un tempu sin dokumentu i ku por bini na remarke pa un pèrmit di estadia temporal, si nan kumpli ku e rekisitonan nesesario di e trayekto.

Personanan indokumentá bibando na Kòrsou no tin akseso na derechonan básiko. Esaki ta limitá nan posibilidat pa kontribuí na nos ekonomia. Aparte di esaki, nan situashon ta hasi nan vulnerabel pa eksplotashon. Rib’e Lugá ta sòru pa un proseso kla, hustu i manehabel.

E trayekto ta dura 3 luna. For di promé (1) di mei 2026 lo tin un periodo di tres luna pa registrá pa Rib’e Lugá.

Sí. Un persona ku a drenta Kòrsou di forma iregular, por ehèmpel ku boto òf lancha, i ku nunka a keda atmití, por apliká pa Rib’e Lugá.

Sí. Un persona ku a drenta komo turista promé ku 13 di novèmber 2025 i ku a surpasá su periodo di estadia i a keda na Kòrsou di forma iregular, por apliká pa Rib’e Lugá.

Sí. Un persona ku a risibí un desishon di deportashon (verwijderingsbeschikking) por apliká pa Rib’e Lugá.

Por apliká solamente “online”.

Sí. Kada persona individual por entregá su petishon. No tin mester di intermediario.

Personanan ku a yega Kòrsou promé ku e fecha di 13 di novèmber 2025 i aktualmente ta bibando na Kòrsou ta bin na remarke pa e trayekto di Rib’e Lugá.

Tur petishon mester ta kompañá pa e siguiente dokumentonan:

1. Prueba di pago di e tarifa i gastunan atministrativo.
2. Pasport (bálido òf kaduká). Na momentu di otorgashon di e pèrmit di estadia, e dokumento mester ta bálido.
3. Akta di nasementu (no mas bieu ku 1 aña) ku apostille òf legalisá.
4. Deklarashon di Bon Kondukta (Verklaring Omtrent Gedrag – VOG) pa personanan di 18 aña òf mas (no mas bieu ku 3 luna) di e delaster lugá di residensia.
5. Prueba di seguro médiko na momentu di otorgamentu di pèrmit di estadia (bálido pa mínimo 1 aña)
6. Dependé di e propósito di e petishon tin dokumentonan adishonal ku mester kumpli kuné.

Por apliká pa e siguiente propósitonan:

• Trabou
• Negoshi propio (di un persona)
• Unifikashon/Formashon familiar

Adishonalmente pa e meta Trabou, mester entregá e siguiente dokumentunan:

1. Pasport (bálido òf kaduká). Na momentu di otorgashon di e pèrmit di estadia, e dokumento mester ta bálido.
2. Akta di nasementu (no mas bieu ku 1 aña) ku apostille òf legalisá.

Adishonalmente pa e propósito di Negoshi Propio, mester entregá e siguiente dokumentonan:

1. CRIB partikular
2. Formulario “Verklaring ondernemersvoornemen”.
3. E registrashon di Kámara di Komèrsio, number di Crib di e kompania i e (aplikashon pa e) pèrmit di establesimentu mester keda entregá no mas tardá ku seis (6) luna despues ku e pèrmit e keda otorgá.

Adishonalmente pa e propósito di estadia di Unifikashon/Formashon familiar, mester entregá e siguiente dokumentonan:

1. Akta matrimonial (si ta aplikabel)
2. Si ta menor di edat:
   • Akta di nasementu
   • Pèrmit di e mayor ku ta keda den eksterior (si ta aplikabel)
   • Prueba di kustodia (voogdijbewijs) (si ta aplikabel)

Sí. E kosto ta dependé di e propósito di e petishon i e durashon di e pèrmit.

Trabou

1 aña — XCG 655,-
2 aña — XCG 1250,-
3 aña — XCG 1885,-

Negoshi Propio

1 aña — XCG 635,-
2 aña — XCG 1270,-
3 aña — XCG 1865,-

Unifikashon Familiar

1 aña — XCG 655,-
2 aña — XCG 1280,-
3 aña — XCG 1905,-

Pago por a hasi mediante depósito riba e kuenta di MCB na nòmber di Toelatingsorganisatie (Number di kuenta 31967908, BIC/SWIFT: MCBKCWCU).

Nò. Personanan legalisá no por vota.

E diferensia prinsipal ta ku Rib’e Lugá ta mas aksesibel ku e trayektonan anterior i e ta pone énfasis riba muchanan menor di edat.